Dated Saitual the 20th July 2026: Vawiin khan City Level Executive Committee chu an chairperson Pu Srinivas Sadi, District Bawrhsap ni bawk kaihhruaiin Patient Attendants’ Shelter (PAS), Saituala sak mek atana fund (1st & 2nd installment) pek chhuah chungchangah City Level Executive Committee chu an thu khawm.
He hunah hian District Bawrksap Pu Srinivas Sadi chuan thu a sawi a, Patient Attendants’ Shelter (PAS) chu damlo hruaitu chhungkhat lainate riahbuk tur a nih thu sawiin, he shelter hi zak sawh a nih hunah pawh bungraw mamawh hrang hrang te bakah Electric te a lo awm nghal theih nan hmalak a tul a ni, a ti.
City Level Executive Committee Member Secretary leh DUDO ni bawk, Pi C. Lalhmingsangi chuan report tawi a pe a. Patient Attendants’ Shelter (PAS) chu DAY-NULM hnuaia Shelter For Urban Homeless (SUH) atanga sak a nih thu sawiin, Dr. Zothanpari Chhakchhuak, Dy. CMO remtihnain Hospital bul hnai ram rem takah February ni 6, 2026 atanga sak tan a ni a, kumin October thlaa zawhfel beisei a ni, a ti. PAS sakna atan hian funding hi 5:40:40:15-a dawn tur a ni a, 5% leh 40% chu dawn tawh niin, a dang 40% leh 15% chu Committee remtihna nghah mek a ni tih a sawi.
Vawiin thutkhawmah hian City Level Executive Committee member te an tel a, 1st leh 2nd installment bill, 5% leh 40% te chu pek chhuah an remti a ni.
