Saitual the 16th September, 2026: Vawiin khan Union Minister of State for Youth Affairs & Sports Pi Raksha Nikhil Khadse chuan Saitual District Hospital tlawhin, hospital dinhmun leh hmalak mek te a enfiah.
Pi Raksha Nikhil Khadse chuan khum 50 awm theihna District Hospital Complex sak meka an hnathawhte chu a en a, hna hmabak a la tam thu leh, hun tiam chhunga zawh a nih theih nan tan la turin thuneitute a chah a. OPD building thar sak te a en zawhin, District Hospital hman lai mek chu a tlawh leh a, Hospital staff-te pawhin an mamawhte leh an harsatnate chu Union Minister hnenah an thlen nghal a ni.
Union Minister hi Saitual District Bawrhsap Pu Srinivas Sadi leh sawrkar officials ten an tawiawm a, Dr V. Lalremruata, PMO, Dr. Lalhmunmawii, Medical Superintendent leh Hospital staff-ten lo dawngsawngin hospital hmunhma an fanpui a ni.
