Saitual Bawrhsap Pu Srinivas Sadi hovin Saitual District chhunga hriselna lama thawktute nen kum 2024-2026 review meeting neih a ni.
Dated Saitual the 10th July, 2026: Vawiin chawhma dar 11 khan DC Conference Room-ah Saitual Deputy Commissioner Pu Srinivas Sadi hovin Saitual District chhunga Health Department hrang hranga thawktute dinhmun(2024-2026)review meeting neih a ni a, hmalak tawhna te thlirho niin hmalak zel dan turte sawiho a ni.
Bawrhsap chuan kakhawmte hnenah meeting ngai pawimawh a hmun hla tak tak atanga lokalte chungah lawmthu a sawi a, theihtawp chhuah zui tura chahin harsatna an neihte pawh inpawh tlang taka sawihova thawkho zel turin a sawm a ni.
Vawiin meeting-ah hian Saitual District Hospital, Ngopa CHC, Phullen PHC, Phuaibuang PHC, NE Khawdungsei PHC, Suangpuilawn PHC Doctor-te bakah Nursing Superintendent te an tel thei a, PPT hmangin thawktu awmdante, an huam chin chhunga khaw hrang hranga naupiang pun dan leh hriselna dinhmunte, NHM hnuaia Universal Immunization Programme kalpui dante, National TB Elimination Programme kalpui dante, NP-NCD(National Programme for Prevention and Control of Cancer, Diabetes, Cardiovascular Diseases & Stroke) dinhmunte, National Vector Borne Disease Control Programme te bakah Financial Report(FY 2025-2026)te thlirho a ni. Heng bakah hian Bawrhsap chuan damdawiin mamawh leh tul hrang hrangte sawipuiin Khawdungsei PHC chu a tlawh tawh thu leh hun remchang hmasa berah PHC dangte pawh an dinhmunte enfiaha a hmuna ngeia tlawh zel a tum thu a sawi bawk. Vawiin meeting-ah hian Dr Zothanpari Chhakchhuak, Dy CMO bakah Saitual District chhunga Medical Officers-te leh DPM, STS-te an tel thei a ni.
