Dated Saitual the 7th September 2026: Vawiin Chawhnu Dar 04 khan Saitual Bawrhsap Pu Srinivas Sadi hovin DC Conference Room Saitual-ah National AIDS Control Programme(NACP)hnuaia thawktute nen August thla review meeting neih a ni.
Vawiin meeting-ah hian Saitual District-a National AIDS & STD Control Programme(NACP)hmalakna hnuaiah August thla chhunga SAICTC-a HIV hmuh chhuah dante, enkawl, tanpui leh damdawi pek (ART C)dan turte, HIV, TB, Saitual District – FICTC, Govt PHC-a HIV endikna dinhmunte, target interventions dinhmunte, FIWDC April – August te, 3rd September, 2026 thleng a SOCH report -te, MAS District dinhmunte, Surakshitmas atana hmalaknate, LWS- August Village wise HIV Screening-te, Saitual District Khaw hrang hranga HIV endikte, MAS atana hmalakna leh hanthawh dan report te bakah Ngopa Block-a MAS atana hmalakna leh hnathawh tawh dante thlirhona leh report Dr Zonunmawii, District Programme Manager, DISHA, Aizawl hnen atangin ngaihthlak a ni. Heng bakah hian Saitual District MAS atana hmalak lehna tur ruahmanna leh sawihona neih zui a ni bawk
He meetingah hian Dr Zonunmawii, District Programme Manager, DISHA, Aizawl chuan biakhlatna hmangin August thla chhunga hmalakna hrang hrang leh hnathawhdante Power Point Presentation hmangin a pe a, biakhlatna hmang vek hian Project Manager, Nexus Ngopa leh Councellor, ICTC te an tel bakah meeting ah hian Saitual-a National AIDS Control Programme(NACP)hnuaia thawktute an tel kim hle.
