Saitualah District Mineral Foundation(DMF),Governing Council Meeting tum hnihna neih a ni.
Dated Saitual the 24th Aug 2026(Friday): Vawiin chawhnu dar 1:00 khan DC Conference Room-ah District Mineral Foundation(DMF) Governing Council tum 2-na chu Pu Srinivas Sadi, Deputy Commissioner & Chairperson ni bawk kaihhruainain thutkhawmna neih a ni.
Chairperson leh DC ni bawk pu Srinivas Sadi chuan kalkhawmte hnenah lawmthu sawiin thawhhona tha tak an neih theih nan mahni zawn theuvah theihtawp chhuah turin a chah bawk.
He hunah hian Chairperson-in a sawm angin Dy.CMO chuan DMF sum hmanna tur ruahmante chu pharhin a sawifiah a, ngun taka sawiho a nih hnuah kalkhawmte chuan an pawm a, a tul anga hma lo la a, lo bawh zui turin Dr Zothanpari Chhakchhuak, Dy CMO, leh Pu Joseph Lalzuitluanga, Treasury Officer-te ruat nghal an ni. Heng bakah hian meeting chuan Primary school thlan chhuah bik pali, Govt. Lamherh P/S, Govt. Luangpawn P/S, Govt. Vanbawng P/S – II, Govt. Phuaibuang P/S II-te hnenah Computer set pek nise tiin an rel bawk.
DMF hnuaia proposal thar atan rawtna nei zingah Sub-Hqrs. YMA, District Agriculture Officer (DAO), leh District Education Officer (DEO) te chu ngaihtuah zui niin Governing Council-in a ngaihtuah theih nan ruahmanna kimchang (detailed proposals) thehlut turin Chairman Person chuan a thu rawn zui bawk a ni.
Vawiin meeting ah hian Pu Tharun Patnaik Madala, SDO(S), Dr Zothanpari Chhakchhuak, Dy CMO, Pu Lalpektluanga, Sr. EE, PHE, Pu Malsawmdawngliana, Sr Geologist,DGM & Member Secretary, Pu Zoremsanga, DGM te bakah Line Department aiawhte, NGO aiawhte an tel tha hle.
