Saitualah District Border Coordination Committee(SDBCC) Meeting neih a ni.
Dated Saitual the 27th Aug 2026: Vawiin chawhnu dar 02 khan Pu Srinivas Sadi, Deputy Commissioner leh Committee Chairperson ni bawk kaihhruaina hnuaiah Saitual District Border Coordination Committee(SDBCC) chu DC Conference Room-ah thutkhawmna neih a ni a, Hrianghmuna Border Road leh fencing siamna tura ram lakna kalpui mek atan line marking leh survey hna kalpui mek thlirhona neih a ni.
Vawiin meeting ah hian LR&S Department in ram a lak chungchanga preliminary notification a tih chhuah hmasak berah 2,500 sq.m chu ennawn niin 5,000 sq.m ah tih zauh a ni a, ram lak tur leh thlaite pawh pawh survey tawh niin chhiar zawh fel vek a nih tawh thute, estimate-te siam tawh niin LR&S Department-ah thawn tura ruahman a nih thu ngaihthlak a ni bawk. BSNL Tower leh a kaihhnawih hmanraw dangte chu ram a zauh tawk tawh avangin dah anih theih nan hma la zui turin Assam Rifles te ngen nise tiin an rel bawk.
Heng bakah hian Service Road/Approach Road leh kea kalna kawng chungchangah dan anga chhiar ngai zawng zawng, ram teh leh survey thlengin tih zawh anih tawh thute, calculation sheet chu LR&S Office, Saitualin September ni 4, 2026 aia tlai lovah lo buatsaihin, approval hmuh anih theih nan LR&S Dept. hnenah lo report lo siam tura rel a ni bawk.
Tin, Border Fencing(10km) hna atana ram teh leh chhinchhiah hna BRO ten an thawh mek chu a chak thei anga thawk tur leh, an dinhmun azira September ni 15, 2026 aia tlai lovah zo fel tura tih an ni bawk.
Vawiin meeting ah hian Pu Srinivas Sadi, Chairperson & DC, Pu Tharun Patnaik Madala, SDO(S), Pi Mary L. Rodinpuii, AC(Revenue), Pu j. Lalawmpuia, SDC, Pu Hmingthansanga, SDPO, Saitual te bakah BRO leh Assam Riffles aiawhte an tel bawk.
