SAITUALAH DISTRICT LEVEL NARCO COORDINATION CENTRE (NCORD) COMMITTEE THUKHAWM
Dated Saitual the 29th July, 2026: Vawiin khan DC Conference Room, Saitualah District Level Narco Co-ordination Committee (NCORD) chu a vawi 29-na atan an Chairperson, District Bawrhsap ni bawk, Pu Srinivas Sadi kaihhruaiin an thu khawm.
He hunah hian NCORD Chairperson Pu Srinivas Sadi chuan thu sawiin Police, Health dept, Education dept, DCPO, NGO leh kohhran hruaitute tanghoa ruihhlo that lohzia inzirtirna- awareness campaign chu hmun hrang hrangah buatsaih tul a tih thu a sawi a, Nasha Mukt Bharat Abhiyan (NMBA) hnuaiah ruihhlo do kawngah theih tawpa hmalak zel a ni, a ti a, ruihhlo ngaite enkawlna tur damdawi te pawh Saitual District-a health care centre hrang hrangah dah a ni bawk a ni, a ti.
Pu Vivek Kumar Maurya, Member Secretary, NCORD leh SP ni bawk chuan an hmalak tawhna te leh ruihhlo tawlh ruk an man chungchang te leh a tawlhna kawng hrang hrang te bakah NGO te nena an thawhho dan te report a pe bawk a ni.
Vawiin thutkhawmah hian District Level NCORD meeting hmasaa thu relte bawhzui a nih dante leh line department ten anmahni zawn theuha hma an lakna report-te ngaihthlak a ni a, Anti-Drug Club chu school 55-ah te din thar niin school awm sa nen belh khawmin school 65-ah din a ni tawh a ni.
Vawiin thutkhawm hi Pu Srinivas Sadi, NCORD chairperson & DC chuan a kai hruai a, Pu Vivek Kumar Maurya, Member secretary, NCORD & SP, Pu Lalhmingthanga, Asst Commissioner of Excise & Narcotics bakah line Department hrang hrang aiawh, SBI (Ngopa) aiawh,NGO aiawhte te leh NCORD Committee member te an tel a ni.
