Saitual, the 2nd September, 2026: Vawiin khan kawnga kal mipuite an him zawk nan District Road Safety Committee chu District Bawrhsap leh chairperson ni bawk, Pu Srinivas Sadi kaihhruaiin DC Conference Room-ah an thu khawm.
Vawiin meetingah hian meeting hmasaa rel tawh angin District Road Safety Committee leh khawtlang hruaitute tang khawm chuan accident thlen tamna hmun zawng chhuakin heng hmunahte hian signboard leh zan thima kawnga kal ten kawng an hmuhfiah theih nan lirthei engin a chhun tur ‘reflectors’ dah an rel a, tin, Keifang kual mawi Police Duty-na hmunah plastic-a siam lirthei danna (barricade) dah rel bawk. Tui luan kawr (drain) a inhnawh apiangin tih fai nghal zel nise, tin, contractors-te chuan an hmalakna te chu NHIDCL hotute hnenah theh lutin anni hian September ni 30 ral hmain DC Office-ah an lo thehlut dawn a ni.
