SAITUALAH BAWRHSAP KAIHHRUAINAIN DISTRICT LEVEL NARCO COORDINATION CENTRE(NCORD)COMMITTEE TUM 30-NA THUKHAWM
Dated Saitual the 31st Aug 2026 : Vawiin khan District Level Narco Co-ordination Committee chu an Chairperson NCORD leh DC ni bawk Pu Srinivas Sadi, IAS kaihhruainain meeting neih a ni a, he meeting ah hian Pu Jacob Hlychho, Member Secretary, NCORD leh Addl SP ni bawk chuan agenda chhawp chhuahte NCORD memberte hriattirin sawifiahna a nei zui bawk.
Chairman Pu Srinivas Sadi, IAS chuan kalkhawmte hnenah lawmthu sawiin ruihhlo do kawngah theihtawp chhuah zui zel turin a sawm a, anmahni zawn theuhva hma an laknaah tha thlah lova nasa lehzuala ṭan la zui zel turin a sawm bawk.
Vawiin meeting ah hian District Level NCORD meeting hmasaa thu dahte thlirho niin sawi zui a ni a, line department hrang hrangten hma an lak theuhnate report ngaihthlak a ni a, report-a a lan danin Saitual DEF atangin 29th NCORD Meeting leh 30th meeting inkarah Heroin 3.341kg @ ₹ 6,68,20,000/-, Methamphetamine 72.514kg @ ₹58,01,12,000/-, Ganja 18.520kg @ ₹ 9,26,000/-, mihring – 15, lirthei – 6 te man a nih thu tar lan a ni a, Kum 2026 chhunga Saitual DEF ten vawiin thlenga an man tawh belhkhawm chu mihring – 83 , motor – 40 leh Damdawi 406.001 kg niin sumfaia chhutin ₹ 2,27,90,11,950/- a ni.
DCPU atangin naupang ruihhlo kaihhnawihah August 2026 chhungin JJB leh Helpline No. 1098-ah naupang ruihhlo ti thubuai thar ziah luh a awm lova, Special Drive – Children in Street Situation (CISS) hi Ni 28 Aug, 2026 ah Saitual khawpui chhung hmun hrang hrang-ah neih a ni. Group 3 ah inthenin, group tinah Police pakhat zel an tel a, Hotspot 10-ah te kal kual in endikna neih a nia , thubuai thar hmuhchhuah a awm lo.
Excise & Narcotics atangin ruihhlo man (Seizure)hi Heroin gram 0.83 leh Ganja kung 70 tihchhiat a ni bawk. Tin, Addict enkawlna TBCC leh TNT ahte Ruihhlo ngai mi 6 enkawl tura thawn an ni.
Sub Hqtrs YMA atangin Vawi 7 chetchhuah niin mihring 14 man an ni a, mi 7 te chu Home ah dah an ni, Tin, Tictac-18.5, Sting- burte khatlo deuh, Chhin sen-48, Hasmila Bur -2 te man a ni a,heng bakah hian area chhung Branch hrang hrangah teenagers-te tan awareness neih a ni bawk.
SIB report atangin August thla chhung khan 34 AR ten Ngopa Police leh SIB Ngopa ten thu an pek angin Operation vawi 2 an neih a ni a, Heroin No.4 nia rinhlelh Soap Case 149, a rit zawng Kg 1.612 man a ni.
Heng bakah hian DEO hmalakknain Saitual Town chhunga School pakua(9) thlanchhuahte hnenah Drugs leh a kaihhnawih that loh zia awareness campaign neih a ni bawk.
Meeting ah hian Pu Jacob Hlychho, Member secretary, NCORD leh Addl SP, Pu Tharun Patnaik Madala, SDO(S), Lalhmingthanga, Asst Commissioner of Excise & Narcotics,pu K Lalthangvunga, President, Sub Hqtrs YMA, line Department hrang hrang aiawh, SIB(Ngopa) aiawhte bakah NCORD Committee member-te an tel thei a ni.
