SAITUALAH SIR 2026 FINAL ELECTORAL ROLL TLANGZARH A NI
Saitual, the 7th September, 2026: Vawiin khan DC Conference Room, Saitualah, Election Commission of India ruahman angin Electoral Roll-a inthun thar beihpui thlakna ‘Special Intensive Revision 2026’-a Saitual District hnuaia Assembly Constituency pathum- 8- Chalfilh, 9-Ṭawi leh 21- Lengteng Final Electoral Roll chu District Election Officer leh District Bawrhsap ni bawk, Pu Srinivas Sadi chuan a tlangzarh.
He hunah hian Pu V. Laldinsanga ERO, 8-Chalfilh chuan Saitual District-a Special Intensive Revision (SIR) 2026 kalpui a nih dan te a sawifiah a, Final Electoral Roll chungchangah report a pe nghal bawk a ni. Special Intensive Revision 2026-a kum tling chin tehfung (Qualifying date) chu July ni 1, 2026-a kum 18 tling chin a ni a, ni 30.05.2026 – 28.06.2026 chhung khan BLO ten Enumeration Form semin in tin an tlawh chhuak a, Enumeration Form te digitized fel a nih hnuah July ni 4, 2026 khan Draft Electoral Roll 2026 chu tlangzarh a ni. Draft Roll tlangzarh a nih hnu ni 05.07.2026 – 04.08.2026 chhung khan Claims & Objection period-ah kum 18 tling thar (new voters) dilna te, insawn (transfer) leh mitthi paih (deletion) te kalpui a ni a, voters te chu an vengah kalchilhin hearing uluk taka neihpui an nih hnuah Final Electoral Roll hi a lo chhuak ta a ni.
Final Electoral Roll 2026-ah hian voters mipa 27,148 awmin, hmeichhia 27,863 an awm a, a vaiin voters 55011 an awm a ni. Draft Electoral Roll nena khaikhinin voters 1018 in Final Electoral Roll 2026-a voters awm zat hi an tam zawk a ni. District pumpuia Voters/ Electors punna percentage hi 1.85% a ni.
Pu Srinivas Sadi, DEO leh DC ni bawk chuan Final Roll hi tlangzarhin a sem nghal a, kalkhawmte hnen atangin thusawi ngaihthlak a ni bawk. Vawiin hun hmannaah hian ERO, AERO, official te, political party aiawh te leh BLO te an tel a, Pu J. Lalawmpuia, AERO 9-Ṭawi chuan lawmthu sawiin hun a khar a ni.
