Saitual, the 2nd July, 2026: Vawiin khan DC Conference Room, Saitualah, District Level Implementing Committee (DLIC) on Mission Shakti chu an Chairperson, District Bawrhsap ni bawk, Pu Srinivas Sadi kaihhruaiin hmeichhe naupang dinhmun chawikanna tur, sawrkar laipui scheme- ‘Beti Bachao, Beti Padhao’ chu Saitual District-a kalpui dan tur ngaihtuahin an thu khawm.
He hunah hian District Bawrhsap Pu Srinivas Sadi chuan sawrkar laipui scheme-‘Beti Bachao, Beti Padhao’ chungchang leh a thil tum te a sawifiah a, hemi chungchanga thutkhawm a vawikhatna atana an nei thei chu lawmawm a tih thu a sawi bawk. Bawrhsap chuan hmeichhe naupangte chu dinhmun tha zawka an awm theih nan he scheme hi duan a ni, a ti a, Saitual District-ah pawh he scheme hi tha taka kalpui a nih theih nan Women & Child Development te chu Education dept leh Health dept te nen tanghoa theih tawp chhuah turin a ngen a ni.
Vawiin thutkhawmah hian Beti Bachao, Beti Padhao atan Action plan siam rel a ni a, School hrang hrargah sex education te leh hmeichhe naupang hriat tur atana pawimawh tak tak te inzirtirna neih tura ruahmanna siam a ni. DLIC chuan women helpline- 181 leh Child helpline 1098 te chu tihlar lehzual kawnga hmalak an rel a, hei bakah hian infiamna ‘sports’ leh kut themthiamna ‘skills development’ lamah te hmalak zel an rel bawk a ni.
Vawiin thutkhawmah hian DLIC on Mission Shakti member te an tel a, an chairperson leh district bawrhsap ni bawk Pu Srinivas Sadi chuan hun kaihruaiin, lawmthu sawinain hun hi a khar a ni.
